每日一片:旁述的重要性!泊車泊足8分鐘揩花晒

作者:Qearl 时间:2019-03-29 17:44:15 標籤: 分類:

香港停車場「車大位窄」以地獄見稱,昨日有網民上載一段短片,指一架私家車在停車場泊位達8分鐘,令進出車場至少4架車都因為其泊位而不能通過。被堵住的一名司機因等待時無所事事,開始為其泊車的過程進行有趣嘅旁述,指正他技術的錯誤,「正呀喂、各位觀眾睇下…佢實扔硬蕉」可惜泊車的司機未能聽到,8分鐘後車仍未能泊好,但據稱車身已經刮花。

「未錄影之前佢已經玩咗4分鐘…你睇下佢究竟想點?」從事後被上載到Facebook群組「馬路的事討論區」的影片所見,該個進行旁述司機在等待駛入停車場時,疑被一架正在泊車的黑色私家車阻擋去路達4分鐘,司機開始不耐煩,於是為車Cam片旁述。

「各位觀眾睇下,扭軚角度就大,但架車就唔行。」目擊者一路觀察他的泊車過程,指對方未懂小幅度扭軚導致一直泊唔到車,只見當時黑色私家車斜入車位時一直不夠位駛入。時間一直過去,前後一直有至少4架車被他擋住去路,旁述唯有慨嘆:「真係畀佢激到啤啤聲…恭喜晒,你玩咗6分鐘入呢個位。」

6分半鐘過去,正當旁述正已為他要成功之際,對方卻又不進則退,「佢仲要收鏡,舔蕉、舔硬蕉。」雖然未泊好位,但被擋住去路的車而急不及待開路駛走,不再等待。現場有其他等他泊位的司機更稱,黑色私家車在泊位時已將車身刮花。

影片其後被瘋狂轉載,有人同情他可能是新手司機,但批評在旁「食花生」的司機卻未有落車幫忙,只顧拍片取笑。有網民直言與該泊位司機揸同款車:「係我會落車問佢使唔使幫手,唔係我好人,係我想快啲過。可能位窄,但通道咁闊已經大把位拉直部車泊入去,都可以搞成咁。 」


本文來源:http://hk.on.cc/hk/bkn/cnt/news/20180228/bkn-20180228100646097-0228_00822_001.html